धार्मिक आस्थाया केन्द्रविन्दु् जुयाच्वंगु ऐतिहासिकया लिसें विश्व सम्पदाया धलखय् लाःगु स्वयम्भूइ वंगु तःभुखाचं क्षति जूगु सम्पदात भिंके क्वचायकेगु यानाहःगु दु ।

थ्वहे झ्वलय् स्वयम्भू महाचैत्य लिक्क च्वंगु दोङ्क् छ्योलिङ देवा धर्म पुलांगु गुम्बा राष्ट्रिय ध्याङ श्रद्धेय गुरु कुश्यो छेच्युजुया अवतारी गुरु जिग्मे छोइङ नोर्बु रिम्पोछेजु अले गुठी संस्थानया प्रशाशक किरण शाक्य मंकाः कथं उलेज्या जुगु दु।

२०७२ साल बैशाख १२ गतेया तःभुखाचंं क्षतिग्रस्त जूगुलिं उगु गुम्बाया पुजारी तेन्दर लामाया न्ह्यज्यां, भूटान सरकार व मेमेगु थीथी संस्था व ब्यत्तित्वपिनिगु आर्थिक ग्वहालि व पुरातत्व बिभागया प्राबिधिक ग्वहालिइ गुम्बाया ल्ह्वनेज्या क्वचाःगु खः ।

उगु गुम्बा दयकेत भुटान सरकार, बुद्ध धर्म महाबिहार साङ्गे छ्योलिङ गुम्बा, पुजारी तेन्दर लामा व भक्तजनपिनिगु आर्थिक ग्वहालि याःगु खः।

Categorized in राष्ट्रिय