निर्वाचन आयोगं इन्द्रसरोवर गाउँपालिका, वडा नं.४, मकवानपुरया पञ्चकन्या माध्यमिक विद्यालयया शिक्षक ऋषि पुडासैनीयात स्पष्टीकारण न्यःगु दु।

निर्वाचन आचारसंहिता विपरित पुडासैनीं राजनीतिक दलया सभा, सम्मेलन व जुलुश व प्रचार प्रसारय् सहभागी जुगु उजुरी वयेवं स्पष्टीकरण न्यःगु दु। निर्वाचन आचारसंहिता, २०७९ या दफा १०, विद्यालय, महाविद्यालय व विश्वविद्यालय व नाप सम्बद्ध कर्मचारी, प्राध्यापक व शिक्षकं पालना याये माःगु आचरण अन्तर्गतया खण्ड (क) य् छु न राजनीतिक दल व उम्मेदवारया पक्ष व विपक्षय् प्रचारप्रसार यायेगुलि संलग्न जुइ व प्रचारप्रसार याये मज्युगु व्यवस्था दु।

ऐ. आचारसंहिताया ऐ. दफाया खण्ड (ज) य् “सामाजिक सञ्जालय् छु न राजनीतिक दल व उम्मेदवारया पक्ष व विपक्षये छु न सन्देश, सूचना, प्रचारप्रसारया सामग्री पोष्ट व शेयर यायेगु व सामाजिक सञ्जालपाखे मत फ्वने मदु” व्यवस्था दु।

Categorized in राष्ट्रिय