कैलाली क्षेत्र नम्बर ३ य् नागरिक उन्मुक्ति पार्टी न प्रतिनिधिसभा सदस्यया खाता चाय्कूगु दु।

उगु क्षेत्रय् पार्टीया गंगाराम चौधरी २३ हजार १२० मत हया विजयी जूगु दु।

नेकपा माओवादी केन्द्रया कृष्णकुमार चौधरी १७ हजार ७४९ मत हःगु खः। चौधरी सत्ता गठबन्धनया उम्मेदवार खः।

नेकपा एमालेया गौरीशंकर चौधरीं ९ हजार ८७४ मत, राष्ट्रिय प्रजातन्त्र पार्टीया बिरेन्द्र बमं ७ हजार ४७ मत हःगु खः।

Categorized in राष्ट्रिय