२०७९ मङ्सिर २१, बुधबार

विश्वकप फुटबलय् जापानं जर्मनया २–१ गोलं त्याकल

लहनान्युज | कछलागा आमै ११४३, मंसीर ७ बुधवाः

कतारय् जुयाच्वंगु २२ क्वःगु संस्करणया फिफा विश्वकप फुटबलय् जापानं प्यक्वः तक च्याम्पियन जर्मनीयात २–१ बूकुगु दु।

खालिफा इन्टरनेशनल मैदानय् समूह इ या कासाय् एसियाली राष्ट्र जापानं छगु गोलं लिउने लानाच्वंगु स्थिति उल्टे याना जर्मनीयात शानदार कथं बूकुगु दु।

जापानं लिपागु १५ मिनेटय् निगु गोलयाना ३ अंक जोडे याःगु दु। वैकल्पिक कासा कथं मैदानय् दुहावम्ह रित्सु दोअन व ताकुमा असानो न जापानया लागि गोल याःगु खः।

७१ गु मिनेटय् मैदान प्रवेशयाम्ह दोअनं ७५ गु मिनेटय् गोल यासे १–१ या बराबरीइ हःगु खः। वया लिपा ८३ गु मिनेटय् असानो न इटाकुराया पासय् उत्कृष्ट गोल यासे जापानयात न्ह्यने यकूगु खः।

असानो ५७ गु मिनेटय् मैदानय् दुहावःगु खः।

Categorized in कासा