कतारय् जुयाच्वंगु फिफा विश्वकप अन्तर्गत थौं शुक्रबाः निसे म्याचविक टुका कासा जुइगु दु।

ब्राजिल व सर्बिया दथुइ वंगु चान्ह्य जुइ धुका ३२ गु राष्ट्रं छगु छगु कासा म्हिते धुकुगु दु। थौं समूह ए व समूह बीया दथुइ निगु निगु कासा जुइगु दु। थौं समूह ए नेदरल्याण्ड्स व इक्वेडर नाप कतार व सेनेगल दथुइ कासा जुइ।

अथेहे समूह बी अन्तरगत इंग्ल्याण्ड व अमेरिका नाप वेल्स व इरान दथुइ कासा जुइ। थौं न्हापागु कासा वेल्स व इरान दथुइ ३ः४५ अहमद अली बिन स्टेडियमय् सुरु जुइ।

समूह ए कतार व सेनेगल दथुइ नेपाःया ई कथं ६ः४५ बजे अल थुमामा स्टेडियमय् सुरु जुइ। समूह ए नेदरल्याण्ड्स व इक्वेडर दथुइ बहनिया ९ः४५ बजेय् खालिफा इन्टरनेसनल स्टेडियमय् जुइ।

दकलय् लिपागु कासा १२ः४५बजे इंग्ल्याण्ड व अमेरिका दुथुइ अल बायत स्टेडियमय् जुइ।

Categorized in कासा