येँया थापाथलीस्थित बागमती सिथय् च्वंगु सुकुम्बासी बस्ती खाली यायेत वःगु महानगरया नगर प्रहरी प्रमुखनाप ३६ म्ह घाःपाः जुगु दु।

सुकुम्बासी बस्ती खाली यायेत वःगु महानगरका नगर प्रहरी प्रमुख राजु पाण्डेया टोली थापाथलीइ वःगु खः। सुकुम्बासी बस्तीइ स्थानीयपिन्स प्रतिकार यायेगु झ्वलय् पाण्डेया छ्यं तज्याःगु दु सा मेपि नगर प्रहरी सामान्य घाःपाः जुगु खः।

नगर प्रहरी उपरीक्षक दिनेश अर्यालया कथं प्रहरीपिन्त आप्पां क्यकूलि नगर प्रहरीपि घाःपाः जुगु खः। घाःपा जूपि निम्ह वीर अस्पताल व मेपिन्त थापाथलीस्थित नर्भिक अस्पतालय् उपचार यानाच्वंगु दु।

घाःपाः जूपि अप्पो थे न्हुगु भर्नाजूपि नगर प्रहरीपि खः।

Categorized in राष्ट्रिय