स्वकः तक फिफा विश्वकप उपाधि त्याकेत ताःलाम्ह ब्राजिली महान फुटबलर पेलेया स्वास्थ्य अवस्था गम्भीर खनेदुगु दु।

आन्द्राया क्यान्सरपाखे पीडित पेलेया म्हय् किमोथेरापीं ज्या यायेगु त्वःते धुकुगु दु। ब्राजिली सन्चारमाध्यमं बिगु जानकारी कथं ८२ दँया पेले वंगु वाःनिसे अस्पताल भर्ना जुयाच्वंगु खः।

पेलेयात अस्पतालया ‘एन्ड अफ लाईफ पेल्लियाटिभ केयर वार्ड’ य् तयातःगु दु। उगु थाय् धयागु जीवनया लिपागु अवस्थाय् दुपिन्त हेरचाह याइगु थाय् खः। हलियकं च्वपि समर्थकलगायत पूर्व क्लब सान्तोष, ब्राजिलया पूर्व स्ट्राइकर रिभाल्डो व फ्रान्सेली सुपरस्टार केलियन एम्बाप्पे न पेलया भिं उसाँय् कामनायासे ट्वीट याःगु दु।

म्ह मनावःगु व मुटुं ज्या यायेगु त्वतूगुलि पेलेयात वःगु मंगलबाः साओ पाउलोस्थित अल्वर्ट आइन्स्टाइन अस्पतालय् भर्ना याःगु खः। अस्पतालं विहीबाः जारी याःगु बक्तव्यय् शताब्दीया हे महान कासापिया स्वास्थ्य अवस्था ‘स्थिर’ दु धका धाःगु खः।

Categorized in कासा