नेकपा एमालेया नेता नाप काभ्रे २ पाखे निर्वाचित सांसद गोकुल बाँस्कोटाया ख्वपय् च्वंगु छेँय् न्ह्यने शंकास्पद वस्तु लुइवं नेपाली सेनां डिस्पोज याःगु दु।

प्रेसर कुकरय् तयातःगु शंकास्पद खनेदुगुलि उगु वस्तु सेनाया बम डिस्पोजल टोलीं निष्क्रिय यासे जिल्ला प्रहरी परिसर, ख्वपया एसपी प्रजित केसीं धाःगु दु। उगु कुकरय् च्वंगु विष्फोटक पदार्थ मखु धका नेपाली सेनाया सहायक रथी नारायण सिलवालं धाःगु दु।

सिलवालया कथं शंकास्पद वस्तु नाप नेपाःया राष्ट्रिय ध्वाँय् व भचा पर्चा लुगु खः । प्रहरीया कथं छगु पर्चाय् कार्य मोर्चाया नामय् ‘स्वनिगलय् तधःपि नेतापि लिना छ्वयेगु’ धका उल्लेख यानातःगु दु।

Categorized in राष्ट्रिय