२०८० चैत्र १६, शुक्रबार

क्रोएसिया विश्वकप क्वाटरफाइनलय्

लहनान्युज | थिंलाथ्व त्रयोदशी ११४३, मंसीर २० मंगलवाः

गोलकिपर डोमिनिक लिभाकोभिचं स्वगु पेनाल्टी बचेयायेवं जापानयात पेनाल्टी सुटआउटय् ३–१ गोलं पराजित यासे क्रोएसिया फिफा विश्वकप २०२२ या क्वाटरफाइनलय् थ्यःगु दु।

अल जानोब रंगशालामा निर्धारित ९० मिनेट व अतिरिक्त ३० मिनेटय् कासा खेल १–१ गोलं बराबरी जुइवं कासा पेनाल्टी शुटआउटय् वंगु खः। आः जुयाच्वंगु विश्वकपय् नकआउट चरण सुरु जुगुलि पेनाल्टी शुटआउटं लिच्वः वःगु थ्व हे न्हापागु कासा खः।

उगु कासाय् लिभाकोभिचं जापानया ताकुमी मिनामिनो, काओरु मितोमा व माया योसिदाया पेनाल्टी पंगू खः सा जापानया ताकुमा असानो न छगु जकः गोल यायेत ताःलागु खः।

क्रोएसियाया लागि निकोला भ्लासिक, मार्सेलो ब्राजोभिक व मारियो मलासिकं गोल याःगु खःसा मार्को लिभाजा गोल याये मफुगु खः।

Categorized in कासा