ब्राजिलं दक्षिण कोरियायात ४–१ गोलं त्याकल
लहनान्युज | थिंलाथ्व त्रयोदशी ११४३, मंसीर २० मंगलवाः
दक्षिण कोरियायात ४–१ गोलं त्याका ब्राजिल कतारय् जुयाच्वंगु फिफा विश्वकपया क्वाटरफाइनलय् थ्यःगु दु।
स्टेडियम ९७४ य् जुगु कासाय् न्हापागु हाफय् हे प्यंगु गोल ब्राजिलयासे दक्षिण कोरियाली रक्षापंक्ति तहसनहस याःगु खः। कासाया ७ मिनेटय् नेइमारया पासय् भिनिसियस जुनियरं गोल याःगु खः।
अथेहे मेगु गोल नेइमारं पेनाल्टीपाखे याःगु खः। २९ गु मिनेटय् एभर्टन स्ट्राइकर रिचार्लिसन व ३६ गु मिनेटय् भिनिसियस जुनियरया पासय् लुकास पाक्वेटां पेनाल्टी एरियाय् गोल यायेवं ब्राजिल न्हापागु हाफये ४ गोलं न्ह्यने लाःगु खः।
कोरियां ७६ गु मिनेटय् छगु गोल याःगु खः।
Categorized in कासा
