२०७९ माघ २०, शुक्रबार

पोर्चुगल विश्वकपया क्वाटरफाइनलय्

लहनान्युज | थिंलाथ्व चतुर्दशी ११४३, मंसीर २१ बुधवाः

फरवार्ड गोन्सालो रामोसया ह्याट्रिकं यासे स्वीट्जरल्याण्डयात ६–१ गोलं पराजित याना पोर्चुगलं कतारय् जुयाच्वंगु फिफा विश्वकपया क्वाटरफाइनलय् थ्यःगु दु।

२१ दँ दुम्ह फरवार्ड रामोस आः जुयाच्वंगु विश्वकपय ह्याट्रिक गोल याम्ह न्हापाम्ह कासामि जूगु दु। पोर्चुगिज प्रशिक्षक फर्नाण्डोें सुपरस्टार कासापि क्रिस्टियानो रोनाल्डोया सताय् फरवार्ड गोन्सालो रामोसयात म्हितेकेगु साहसिक निर्णय याःगु खः।

रामोसं न्हापागु हाफय् छगु व निगु हाफय् निगु गोल याःगु खः। रामोसं १७ मिनेटय् व डिफेण्डर पेपे न ३२ गु मिनेटय् ब्रुनो फर्नान्डेजं गोल याःगु खः। अथेहे ५१ गु मिनेटय् रामोस, राफेल गुरेइरो न ५५ गु मिनेतय् व ७१ गु मिनेटय् रामोसं गोलयासे ह्याट्रिक पुरा याःगु खः।

इन्जुरी इलय् राफे लिआयो न गोल यासे पोर्चुगललाई ६–१ न त्याःगु खः।

Categorized in कासा