राष्ट्रिय स्वतन्त्र पार्टीं समानुपातिक पद्धतिइ काःगु १३ सिटय् सांसदपि ल्यःगुलि विधि मिचेयाःगु धासे उम्मेदवारपिन्स असन्तुष्टि प्वःकूगु दु।

समानुपातिकया बन्दसूचीइ दुपि उम्मेदवारपाखे १३ म्ह ल्यउगुलि पार्टीया विधि, पद्धति, बन्दसूचीया धलः मिचेयाःगु धासे कार्यकर्तापिन्स असन्तुष्टि प्वकूगु दु।

उमिसं बिहीबाः पार्टी कार्यालय धर्ना तक बिःगु दु। उगु धर्नाय् सहभागी राष्ट्रिय स्वतन्त्र पार्टी सुनसरीया अध्यक्ष लालविक्रम थापां ‘प्राइमरी इलेक्सन’ पाखे समानुपातिक पद्धतिया उम्मेदवारपिनिगु बन्दसूची कथं सांसदपि ल्ययेमाः धका धाःगु दु।

रास्वपाया गुलिसिया समानुपातिक उम्मेदवारं ‘प्राइमरी इलेक्सन’ य् काःगु मत कथं निर्धारण यानातःगु कथं मजुइगुला धका तक शंका याना हःगु दु।

Categorized in राजनीति