नेकपा एमाले न प्रतिनिधिसभापाखे समानुपातिक निर्वाचित जुइपि ३४ म्ह मध्ये १९ म्ह मिसा व १५ म्ह मिजंपि  मध्ये सूयात छ्वयेगु धइगु प्रारम्भिक प्रस्ताव तयार याःगु दु।

एमाले स्रोतया कथं उगु प्रस्तावय् छलफल व निर्णय यायेत थौं शुक्रबाः एमालेया सचिवालय बैठक च्वनेत्यःगु दु। एमाले न तयार याःगु प्रारम्भिक प्रस्तावय् खस आर्यपाखे खुम्ह मिसा व न्याम्ह मिजं, आदिवासी नाप जनजातीपाखे न्याम्ह मिसा व न्याम्ह मिजं, मधेशीपाखे स्वम्ह मिसा व निम्ह मिजं, दलितपाखे स्वम्ह मिसा व निम्ह मिजं, थारुपाखे छम्ह मिसा व छम्ह मिजं नाप छम्ह मुस्लिम मिसा छ्वयेगु तयारी याःगु दु।

एमाले तयार याःगु नां धलः कथं खस आर्य मिजंपि रघुजी पन्त, एकनाथ ढकाल, कुमार दसौंदी, दयालबहादुर शाही, खिमलाल पोखरेल व मिसापाखे मेनका पोखरेल, सरिता भूसाल, शोभा ज्ञवाली, बिजुला रायमाझी, निर्मला कोइराला व सम्झना थपलिया खः।

अथेहे आदिवासी जनजाती मिजंपाखे देवीप्रसाद भट्टचन, हेमराज राई, कालुराम राई, भीमबहादुर खवास, सरोज डंगोलपि खःसा आदिवासी जनजाती मिसापाखे नैनकला थापा, सूर्यकुमारी श्रेष्ठ, उर्मिला थेबे, ईश्वरी घर्ती, रणकुमार बलम्पाकीपि खः।

दलित मिजंपाखे  ईश्वरबहादुर रिजाल विश्वकर्मा, प्रभु हजारा दुसाध व मिसापाखे रुक्मिणी राना बराईली, हर्कमाया विश्वकर्मा व ईन्दिराकुमारी पन्थीपि खः

मधेसी मिजंपाखे गंगाप्रसाद यादव व अमृतलाल राजवंशी व मिसापाखे विनिता देवी, अमृता अग्रहरी व प्रतिक्षा तिवारी मुखिया खः। थारुपाखे  सत्यनारायण चौधरी व अस्माकुमारी चौधरी, मुस्लिम रुही नाज नां वयाच्वंगु खः।

Categorized in राजनीति