२०७९ माघ २०, शुक्रबार

नेदरल्याण्ड्सयात पराजितयासे अर्जेन्टिना सेमिफाइनलय्

राम डंगोल | थिंलागा द्धितीया ११४३, मंसीर २४ शनिवाः

गोलकिपर एमिलियानो मार्टिनेज न निगु पेनाल्टी पनाबिइवं नेदरल्याण्ड्सयात पेनाल्टी शूटआउटय् ४–३ गोलं पराजित यासे अर्जेन्टिना कतारय् जुयाच्वंगु फिफा विश्वकप २०२२ या सेमिफाइनलय् थ्यःगु दु।

लुसेल आइकोनिक स्टेडियमय् जूगु कासा अर्जेन्टिना च्यादँ लिपा विश्वकपया सेमिफाइनलय् थ्यःगु खः।

निर्धारित ९० मिनेट व थप याःगु ३० मिनेटय् २–२ गोलया बराबरी जुइवं पेनाल्टी शूटआउट जूगुलि अर्जेन्टिनाया लागि कप्तान लिओनल मेसी, लिएनड्रो परेडेस, गोन्जालो मोनिटेल व लाउटारो मार्टिनेजं गोल याःगु खः।

एन्जो फर्नान्डेसं थ्वागु बल पोष्ट पिने वःगु खः। नेदरल्याण्ड्सया लागि टिउन कुपमाइनर्स, वाउट वेघोस्ट लुक डे जोङं गोल याःगु खः । अर्जेन्टिनाया मार्टिनेजं डच कप्तान भर्जिल भान डाइक व स्टेभेन बर्गुइसं थ्वाःगु बल पनेत ताःलागु खः।

Categorized in कासा