दक्षिण एसियाली श्रमजीवि पत्रकारपिनिगु मंकाः मञ्च सार्क जर्नालिष्ट फोरम नेपाल च्याप्टरं पत्रकार प्रकाश सिलवालया नेतृत्वय् ११ म्ह सदस्सीय सचिवालय गठन याःगु दु।

फोरमया अध्यक्ष राजु लामाया मूपाहाँसूइ व नेपाल च्याप्टरया संयोजक प्रकाश सिलवालया अध्यक्षताय् थौं शनिबाः च्वंगु् बैठकं अथे निर्णय याःगु खः।

थौं च्वंगु निर्णय कथं सचिवालयय् अध्यक्ष प्रकाश सिलवाल, संगठन विभागया प्रमुखय् रूपेश आचार्य, प्रचार प्रसार विभागय् रत्नकाजी महर्जन,आर्थिक विभागय् सुरेन्द्रभक्त श्रेष्ठ च्वंगु दु।

अथेहे दुजलय् कविता थापा, नृपेन्द्रलाल श्रेष्ठ, सुनिल महर्जन व माधव तिवारीपि च्वंगु दु सा मेपि दुजः लिपा नियुक्त यायेगु निर्णय याःगु दु। थौंया बैठकं भारतया राजधानी न्हुगु दिल्लीं थ्व हे वइगु २०२३ जनवरी १० निसे ११ तक जुइगु सार्क जर्नालिजम कन्फ्रेन्सय् नेपालं ब्बति कायेगु व माःगु संयोजन व पुर्वतयारी यायेगु निर्णय तका याःगु दु।

Categorized in राष्ट्रिय