वंगु ४ मंसिरय् जूगु चुनावपाखे निर्वाचित जूपि प्रतिनिधिसभा सदस्यपिन्त राष्ट्रिय प्रजातन्त्र पार्टी (राप्रपा) या नेता पशुपतिशम्शेर जबरां शपथ नकिइगु जुगु दु।

प्रत्यक्ष निर्वाचित १६५ व दलपाखे समानुपातिक पद्धतिइ निर्वाचितजूपि निर्वाचन आयोगय् नां बुझेयापि ११० म्ह मध्ये ज्येष्ठ सदस्य जबरा जूगु दु। अय्न, निर्वाचन आयोगं निर्वाचित सदस्यपि गुलि दँदुपि स्वयेगु ल्यःदनिइ।

आःतक सार्वजनिक विवरण कथं २७५ सदस्य मध्ये ज्येष्ठ सदस्य कथं जबरा खनेदुगु दु। जबरा ८१ दँ दुम्ह खः। जबराया  जन्म वि. सं १९९८ वैशाख २५ गते (सन् ७ मे १९४१) येँ महाराजगंजय् जन्म जूगु खः।

निर्वाचन आयोगय उम्मेदवारपिनिगु छ्वंगु व्यक्तिगत विवरण कथं राष्ट्रिय जनमोर्चाया अध्यक्ष चित्रबहादुर केसी न ८१ दँयाम्ह खः। केसीयो जन्म वि सं. १९९८ माघ २० गते दुगु आयोगया विवरणय् दु।

अथेहे मेम्ह सर्लाही–२ पाखे निर्वाचित जूम्ह नेपाल समाजवादी पार्टीया अध्यक्ष महिन्द्र राय यादव ८५ दँ थ्यने धुकुम्ह खः। यादवया जन्म १९९४ वैशाख २४ खनेदु। तर यादवं थःगु जन्ममिति द्धःगु खनेदु धका धासे २०७४ सालय् हे प्रतिनिधिसभाया निर्वाचन लिपा ज्येष्ठ सदस्यया हैसियतं सांसदपिन्त शपथ याकेत अस्वीकार याःगु खः। 

Categorized in राष्ट्रिय