दिनेश थपलिया निर्वाचन आयोगं छगु दलया अध्यक्षं मेगु दलपाखे सांसद जुइ ज्यू वा मज्यू विषय कानुनी प्रष्टता मजू धका धयादीगु दु।

उकि थुगु विषय सम्बन्धित मनू न नैतिकतानाप स्वाइगु प्रमुख निर्वाचन आयुक्त दिनेश थपलियां धयादीगु दु। नेपाल परिवार दलया अध्यक्ष एकनाथ ढकाल समानुपातिक निर्वाचन पद्धतिपाखे नेकपा एमालेया सांसदय् निर्वाचित जूगु खः।

बुधबाःआयोगं ग्वसाः ग्वःगु पत्रकार सम्मेलनय् पत्रकारपिन्स छगु दलया मनू मेगु दलया सांसद जूइ दइला धका न्यःगु खः।

उकिया लिसलय् प्रमुख आयुक्त थपलिया धाःगु दु, ‘छगु दलया अध्यक्ष मेगु दलया निर्वाचन चिं ज्वना ल्वायेगु व समानुपातिक पाखे निर्वाचित जुइ दइकि मदइ धइगु विषय कानुनय् प्रष्ट मदु थ्व नैतिकतानाप स्वागू विषय खः ।’ अय्न, थुगु विषय वइगु दिं छलफलया विषय जुइ धका धयादीगु दु।

Categorized in राष्ट्रिय