रवि लामिछानेया प्रतिनिधसभा सदस्य पद खारेज यायेमाःगु मागयासे सर्वोच्चय् रिट दायर
लहनान्युज | थिंलागा षष्ठी ११४३, मंसीर २८ बुधवाः
राष्ट्रिय स्वतन्त्र पार्टीया सभापति रवि लामिछाने याःगु प्रतिनिधसभा सदस्य पद खारेज याये माःगु माग यासे सर्वोच्च अदालतय् रिट दायर याःगु दु।
सिन्धुली छेँ दुम्ह युवराज सफलं संवैधानिक इजलासय् दायर याःगु रिटय् रवि लामिछानेया सांसद पद व राष्ट्रिय स्वतन्त्र पार्टीया सभापति पद खारेज यायेमाःगु माग याःगु दु।
उगु रिटय् रवि लामिछाने, राष्ट्रिय स्वतन्त्र पार्टी, निर्वाचन आयोग, संघीय संसद व जिल्ला प्रशासन कार्यालय येँयात विपक्षी दयकूगु खः।
चितवन–२ पाखे प्रतिनिधिसभा सदस्यय् निर्वाचित लामिछाने न थः यःथे अमेरिकाया नागरिकता कयातःम्हं नेपाली नागरिकता कायम मजुगु अवस्थाय् उम्ह मनूखं पदाधिकारी जूया दल दर्ता याःगु, उम्मेदवारी बिःगु व निर्वाचित तक जूगु धासे रिटय् निर्बाचन आयोगं संबिधान व ऐनया गम्भीर उल्लङ्घन याःगु दावी याःगु खः।
Categorized in राष्ट्रिय