यल महानगरपालिकां थःगु १०४ क्वःगु स्थापना दिवसया लसताय् ‘ललितपुर महानगर गौरव पुरस्कार’ लःल्हागु दु।

थौं शनिबाः छगु ज्याझ्वः दथुइ प्रधानमन्त्री शेरबहादुर देउवां वरिष्ठ धातु मूर्तिकार राजकुमार शाक्य, वरिष्ठ साहित्यकार छत्रबहादुर कायस्थ, प्राज्ञ कालु कुमाले व यल महानगरपालिकाया पूर्वप्रमुख बुद्धिराज बज्राचार्ययात उगु सिरपाः लल्हागु खः।

महानगर दुने कला, साहित्य व संस्कृतिया ख्यलय् महत्वपूर्ण योगदान बिउगुलि म्हतिइ १ लाख नगद नाप हनापौ लःल्हागु खः। उगु ज्याझ्वलय् प्रधानमन्त्री देउवां महानगर दुने उत्कृष्ट करदाताया सम्मान संस्थागत रुपं जेम्स स्कुल व व्यक्तिगत रुपं टाँसी तेन्जिङयात लःल्हागु दु।

Categorized in राष्ट्रिय