प्रतिनिधिसभाया ज्येष्ठ सदस्य पशुपतिशमशेर जबरां पद व गोपनीयताया शपथ काःगु दु।

जबरायात थौं बुधबाः न्हिनय् राष्ट्रपति विद्यादेवी भण्डारीं पद व गोपनीयताया शपथ बिःगु खः। प्रतिनिधिसभाया सदस्य ज्येष्ठ सदस्यपाखे शपथ ग्रहण याकेगु प्रचलन दु।

थ्व स्वया न्ह्यः ज्येष्ठ सदस्यं राष्ट्रपति कार्यालयपाखे शपथ कायेमाःगु प्रावधान कथं जबरां शपथ काःगु खः।

वंगु मंसिर ४ गतेया चुनावं निर्वाचित प्रतिनिधिसभाया सदस्यपिन्स कन्ह्यः बिहीबाः न्हिनसिया १ बजे शपथ काइगु जुगु दु।

Categorized in राष्ट्रिय