नवनिर्वाचित प्रतिनिधि सभा सदस्यपिन्स थौं आज पद व गोपनियताया शपथ ग्रहण याइगु जुगु दु।

प्रतिनिधि सभाया ज्येष्ठ सदस्य पशुपति शमशेर जबरां थौं न्हिनसिया १ बजे संघीय संसद भवन न्हुगु बानेश्वरय् सांसदपिन्त शपथ याकिइगु जुगु दु।

संघीय संसद सचिवालयया प्रवक्ता डा. रोजनाथ पाण्डेया कथं अप्पो सांसदपिन्स नेपाली भाषां शपथ ग्रहण याइगु जुगुसा २६ म्हेसिया मातृभाषां शपथ ग्रहण यायेगु निति निवेदन बिःगु दु।

बुधबाः बहनि तक २६ म्हेसिया सांसदपिन्स निवेदन बिःगु दु । हिन्दीनिसे संस्कृत भाषां तक शपथ यायेगु निति निवेदन बिःगु दु।

नेकपा माओवादी केन्द्रया न्ह्यम्ह, राष्ट्रिय स्वतन्त्र पार्टीया न्याम्ह, जनमत पार्टीया प्यम्ह, जसपा, नागरिक उन्मुक्ति पार्टीया स्वम्ह स्वम्ह, स्वतन्त्रपि निम्ह व कांग्रेस व नेकपा एमालेया छम्ह छम्ह सांसदपिन्स मातृभाषां शपथ ग्रहण यायेगु निति निवेदन बिःगु दु। 

Categorized in राष्ट्रिय