थौं संसदय् जुइगु शपथ ग्रहण ज्याझ्वलय् रास्वपाया सुमना श्रेष्ठं नेपालभाषं शपथ काइगु जुगु दु। अथेहे नेकपा एमालेया राज अहमद फारुकीं उर्दु, नेकपा माओवादी केन्द्रया हितबहादुर तामाङ, मिना तामाङ, सूर्यमान तामाङपिन्स तामाङ भाषां शपथ कायेत निवेदन बिःगु दु।

माओवादी केन्द्रया महिन्द्र राय यादवं हिन्दी भाषां व उमरावती देवी भोजपुरी भाषां शपथ काइगु जुगु दु। रौतहट निर्वाचन क्षेत्र नम्बर २ पाखे स्वतन्त्र रुपं निर्वाचित सांसद किरण कुमार साहं संस्कृत भाषां शपथ काइगु जुगु दु। राष्ट्रिय स्वतन्त्र पार्टी (रास्वपा) या सांसद असिम शाहं नेपाली÷मुस्लिम भाषां शपथ कायेगु निति निवेदन बिःगु दु।

रास्वपाया सांसद लक्ष्मी तिवारीं अवधि, मनिष झाले न मैथली शपथ काइगु जुगु दु। राप्रपाया अशोक कुमार चौधरी, नागरिक उन्मुक्ति पार्टीया रञ्जिता श्रेष्ठ, अरुणकुमार चौधरी व गंगाराम थारु व स्वतन्त्र सांसद लालवीर चौधरीपिन्स थारु भाषां शपथ काइगु जुगु दु। अथेहे जनमत पार्टीया सोनु मुर्मु सन्थाली भाषां, जनमत पार्टीया चन्द्रकान्त (सीके) राउत, बिनिता कुमारी सिंह व अनिता देवीं मधेशी भाषां शपथ काइगु जुगु दु।

Categorized in राष्ट्रिय