नेपाल पत्रकार महासंघया केन्द्रीय साधारण सभा कर्णाली प्रदेशया राजधानी वीरेन्द्रनगरय् सुरु जूगु दु।

राष्ट्रपति विद्यादेवी भण्डारीं छगु ज्याझ्वः दथुइ केन्द्रीय साधारण सभा उलेज्या यानादीगु खः।

साधारणसभाय् नेकपा एमालेया महासचिव शंकर पोखरेल, नेकपा माओवादी केन्द्रया प्रवक्ता कृष्णबहादुर महरा, कर्णाली प्रदेश सरकारया मुख्यमन्त्री जीवन बहादुर शाही लगायतया नेतापिनिगु सहभागी दुगु खः।

उगु केन्द्रीय साधारण सभाय् देयन्यकं खुसः स्वया अप्पो पत्रकारपिनिगु ब्बति दुगु खः। महासंघया साधारण सभा निन्हुयकं न्ह्याइ।

Categorized in राष्ट्रिय