वन बालुवाटारय् बैठक त्वःता नेकपा माओवादी केन्द्रया अध्यक्ष पुष्पकमल दाहाल प्रचण्ड थःगु निवास खुमलटारय् लिहावःगु दु।

नेकपा एमालेया अध्यक्ष केपी शर्मा ओलीयात नापलायेगु निति बालकोट वने धाःसा थःगु हे निवासय् वःगु खः। अय्न माओवादीया महासचिव देव गुरुङ नाप मेपि नेतापि ओली निवास बालकोटय् वःगु दु।

आइतबाः प्रधानमन्त्री शेरबहादुर देउवाया सन्देश ज्वना नेपाली कांग्रेसया नेता विमलेन्द्र निधिं प्रचण्डया निक्वःगु पालय् प्रधानमन्त्री पद कायेत इनाप याःगु खः।

निधिं राष्ट्रपति व प्रधानमन्त्री त्वते फइ मखुगु धका धाःगु खः। वया लिपा प्रचण्डं पार्टी पदाधिकारीपिन्त गठबन्धनय् संकट वःगु दु धका धाःगु दु।

Categorized in राष्ट्रिय