नेकपा माओवादी केन्द्रया अध्यक्ष पुष्पकमल दाहाल ‘प्रचण्ड’ प्रधानमन्त्रीइ नियुक्त जूगु दु।

राष्ट्रपति विद्यादेवी भण्डारीं थौं आइतबाः सनिलय् पुष्पकमल दाहालयात प्रधानमन्त्रीइ नियुक्त याःगु खः। आइतबाः प्रचण्डं थःगु दल नेकपा माओवादीनाप  नेकपा एमाले, राष्ट्रिय स्वतन्त्र पार्टी, राष्ट्रिय प्रजातन्त्र पार्टी, जनता समाजवादी पार्टी, जनमत पार्टी व राष्ट्रिय उन्मुक्ति पार्टीया समर्थनय् प्रधानमन्त्रीया दाबी पेश याःगु दु।

स्वतन्त्र सांसदपि प्रभु साह, किरणकुमार साह व अमरेशकुमार सिंह न  समर्थन यायेवं २७५ म्ह प्रतिनिधिसभाया सदस्यपिन्स प्रचण्डं १६९ म्ह सांसदपिनिगु समर्थन दुगु खः। प्रतिनिधसभाया निर्वाचनय् छु न छगु दलया बहुमत मवयेवं राष्ट्रपति विद्यादेवी भण्डारीं संविधानया धारा ७६ (२) कथं मिलिजुली सरकार दयकेत आइतबाः बहनिया ५ बजेतक ई बिःगु खः।

Categorized in राष्ट्रिय