नवनियुक्त प्रधानमन्त्री पुष्पकमल दाहाल प्रचण्डं पद व गोपनीयताया शपथ ग्रहण याःगु दु। राष्ट्रपति भवन शीतल निवासय् थौं सोमवाः जुगु छगु ज्याझ्वः दथुइ राष्ट्रपति विद्यादेवी भण्डारीं प्रचण्डयात पद व गोपनीयताया शपथ ग्रहण याकूगु खः।

शपथ ग्रहण समारोहय्, उपराष्ट्रपति, राष्ट्रिय सभाया अध्यक्ष, प्रधानन्यायाधीश, संवैधानिक निकायया प्रमुख, पूर्वप्रधानमन्त्रीपि, सुरक्षा निकायया प्रमुख लगायत विशिष्ट मनूपिनिगु उपस्थिति दुगु खः।

समारोहय् संवैधानिक निकायया प्रमुख नाप पदाधिकारी, थी थी राजनीतिक दलया नेता, कुटनीतिक निकायया प्रमुख नाप प्रतिनिधि, सञ्चारकःपि लगायतपिनिगु उपस्थिति दुगु खः।

Categorized in राष्ट्रिय