नेपाःया पुलांगु संचारमाध्यम रेडियो नेपालं न्ह्याकाच्वंगु एफएम संचारमाध्यमय् नेपाल संवत छ्यलेत इनापयासें नेपाल संवत राष्ट्रिय न्हूदँ समारोह समितिं ज्ञापन पौ लःल्हाःगु दु ।

समारोह समितिया नायः प्रा.डा.नरेशमान बज्राचार्यं रेडियो नेपालया कार्यकारी निर्देशक बुद्धिबहादुर केसीयात वय्कःया ज्याकुथिइ ज्ञापन पौ लःल्हाःगु खः ।

ज्ञापन पौ लःल्हानाकासें कार्यकारी निर्देशक केसीं रेडियो नेपालय् २०६८ सालनिसें नेपाल संवत धकाः प्रसारण यानाच्वनागु खःसा महिना त्वःफिनाच्वंगु खँयात स्वीकार यासें वय्कलं याकनं हे रेडियो नेपाल व्यवस्थापन समितिया मुँज्याय् थ्व खँयात कयाः नेपाल संवतया महिना नं धायेगु खँ निर्णय यायेगु बचं बियादीगु दु ।

Categorized in राष्ट्रिय