२०७९ माघ २०, शुक्रबार

संसार्स कप फुटबल कासाय् कायस्थ व महर्जनयात हन

लहनान्युज | पोहेलागा नवमी ११४३, माघ २ सोमवाः

संसार क्रिएसन्श नेपालया ग्वसालय् विश्वया दकले ताहाकःगु व तधंगु अवार्ड धका धयातःगु निक्वःगु नेपालभाषा स्टार म्युजिक अवार्डया प्रोमोसन कथं यलया खोनाय् ज्ञानोदय बालबाटिका स्कुलय् जूगु संसार अवार्ड कप फुटबल कासा व साँङ्गितिक ज्याझ्वलय् सरस्वति मानन्धर, किशोर शाही, कल्पना श्रेष्ठपिन्स थःथःगु प्रस्तुति न्ह्यब्वःगु खः ।

उगु ज्याझ्वलय् नेपाल सरकारया चलचित्र विकास बोर्डया सल्लाहकार नियुक्त जुगुलिं नांजाम्ह फिल्म बितरक गोपालकाजी कायस्थ व नेपाल चलचित्र संघया महासचिव फिल्म बितरक नरेन्द्र महर्जनयात संसार क्रिएसन्श नेपालयापाखें हःगु खः ।

संसार क्रिएसन्श नेपाल कजि स्वतन्त्रसंसार महर्जनया सभाध्यक्षताय् जुःगु उगु ज्याझ्वलय् प्रेमाहा महर्जनं खादाँ लःहाःगु खःसा बरिष्ठ सिनेपत्रकार विजयरत्न असंबरें स्वांमा क्वखाकादीगु नाप यल महानगरपालिका २१ वडाध्यक्ष रविन्द्र महर्जनं हना पौ देछाःगु खः।

Categorized in मनोरन्जन