आत्मनिर्भर लघुवित्त वित्तीय संस्था लिमिटेडया धितोपत्र प्रारम्भिक सार्वजनिक निष्काशन (आईपीओ) जारी यायगु जुगु दु।

कम्पनीया सर्वसाधारण लगानीकर्ता नाप वैदेशिक रोजगारी यानाच्वंपि नेपाःमिपिनिगु लागि आईपीओ निष्काशन याइगु जुगु दु। लघुवित्तं थःगु जारी पूँजी ६ करोड २३ लाख ३८ हजार रुपैयाँया ३२.६२५ प्रतिशत जुइगु कथं २ करोड ३ लाख ३८ हजार रुपैयाँ बराबरया प्रतिशेयर १०० रुपैयाँ अंकित भाःया २ लाख ३ हजार ३८० कित्ता सेयर निष्काशन याइगु जुगु दु।

उकि मध्ये २० हजार ३३८ कित्ता शेयर वैदेशिक रोजगारीइ च्वनाच्वपि नेपाःमिपिन्त निष्काशन यायेत्यःगु दु। अथेहे ३ हजार ११७ कित्ता सेयर कर्मचारीपिन्त व १० हजार १७० कित्ता सामूहिक लगानी कोषया लागि सुरक्षित याःगु दु। ल्यःदनिइगु १ लाख ६९ हजार ७५५ कित्ता सेयरया लागि आवेदन बिइ फइगु जुगु दु । वैदेशिक रोजगारी यानाच्वपि नेपाःपिनिगु लागि माघ १६ गतेनिसे फागुन १ गतेतक व सर्वसाधारणया लागि फागुन ११ गतेनिसे १५ तक आईपीओ निष्काशन यायेगु कम्पनीया आह्वानपत्रय् उल्लेख याःगु दु ।

सर्वसाधारणपिन्स १५ फागुन तक माग कथं आवेदन मवसा आवेदन बिइत फागुन २५ गते तक थप याइगु जुगु दु। उगु आईपीओ लगानीकर्तापिन्स म्हो १० कित्तानिसे अप्पो १ हजार कित्तातक आवेदन बिइ फइ। कम्पनीया सेयर निष्काशन नाप बिक्री प्रबन्धक सनराइज लिमिटेड याइगु जुगु दु। वंगु आर्थिक वर्ष २०७८÷७९ या अपरिस्कृत वित्तीय विरण कथं लघुवित्तया प्रतिसेयर नेटवर्थ ५५६ रुपैयाँ ५९ पैसा व प्रतिसेयर आम्दानी १८५ रुपैयाँ ४३ पैसा दु।

लघुवित्तया सञ्चित नाफा १२ करोड ५४ लाख ९० हजार रुपैयाँ दु।

Categorized in राष्ट्रिय