२०८० चैत्र १६, शुक्रबार

नबिल बैंकया नाफा अप्पोल

रसिया श्रेष्ठ | पोहेलागा आमै ११४३, माघ ७ शनिवाः

चालु आर्थिक वर्ष २०७९÷८० या निक्वःगु त्रैमासतक नबिल बैंकया नाफा ५६.६७ प्रतिशतं थहावःगु दु।

वंगु आर्थिक वर्षया निक्वःगु त्रैमासतक २ अर्ब १८ करोड १४ लाख रुपैयाँ नाफा आर्जन याःगु बैंकं चालु आर्थिक वर्षया थुगु इलय् ३ अर्ब ४१ करोड ७६ लाख रुपैयाँ नाफा याःगु दु। वंगु असार २७ गते नेपाल बङ्गलादेश नाप एकीकृत कारोबार सुरु जुगुलि थुगु दँय् वंगु दँय् स्वया अप्पो नाफा याःगु दु।

बैंकं खुलाया दुने ७ अर्ब ८३ करोड २९ लाख रुपैयाँ ब्याज आम्दानी याःगु खः। वंगु दँय् बैंकं ब्याज आम्दानी बापत ४ अर्ब २१ करोड रुपैयाँ ब्याज आम्दानी याःगु खः। बैंकं सञ्चालन नाफापाखे ४ अर्ब ६ करोड १७ लाख रुपैयाँ आर्जन याःगु दु। बैंकं वंगु ण्दँय् मुनाफा ३ अर्ब ११ करोड ५३ लाख रुपैयाँ आर्जन याःगु खः। अथेहे बैंकया खराब कर्जा अप्पोगु दु।

वंगु दँय् १.११ प्रतिशत  खराब कर्जा दुगु खःसा चालु आर्थिक दँय् पुस मसान्ततक २.९ कायम जूगु दु। बैंकया चुक्तापुँजी २७ अर्ब ६ करोड ६९ लाख रुपैयाँ कायम जुग दु। बैंकया जगेडा कोषय् २५ अर्ब ५७ करोड रुपैयाँ कायम जुगु दु।

बैंकं पुस मसान्ततक ३ खर्ब ४७ अर्ब ४६ करोड रुपैयाँ निक्षेप संकलन याःगु दु सा ३ खर्ब १५ अर्ब ६४ करोड रुपैयाँ ऋण लगानी याःगु दु।

Categorized in राष्ट्रिय