चालु आर्थिक वर्ष २०७९÷८० या निक्वःगु त्रैमासतक सानिमा बैंकया नाफा अप्पोगु दु।

बैंकं शनिबाः सार्वजनिक यागुलि चालु आर्थिक वर्षया निक्वःगु त्रैमासतक अपरिस्कृत वित्तीय विवरण कथं १ अर्ब २८ करोड ५३ हजार रुपैयाँ नाफा आर्जन याःगु दु ।

वंगु दँय् बैंकं १ अर्ब ३ करोड ३० लाख रुपैयाँ नाफा याःगु खः। बैंकं खुलाया दुने ३ अर्ब २१ करोड ५ लाख रुपैयाँ ब्याज आम्दानी याःगु खः। वंगु दँय् बैंकं ब्याज आम्दानी बापत २ अर्ब १८ करोड रुपैयाँ आर्जन याःगु खः।

बैंकं सञ्चालन नाफापाखे १ अर्ब ८२ करोड २० लाख रुपैयाँ आर्जन याःगु खः। वंगु दँय् अथे मुनाफा १ अर्ब ५० करोड रुपैयाँ आर्जन याःगु खः। अथेहे बैंकया खराब कर्जा न अप्पोगु दु।

वंगु दँय् ०.३१ प्रतिशत दुगु खराब कर्जा चालु आर्थिक दँय् पुस मसान्ततक थहावना ०.७७ प्रतिशत कायम जूगु दु।

बैंकं पुस मसान्ततक १ खर्ब ५९ अर्ब २० करोड रुपैयाँ निक्षेप संकलन याःगु खःसा १ खर्ब ४३ अर्ब ३३ करोड रुपैयाँ ऋण लगानी याःगु दु।

बैंकया चुक्तापुँजी १२ अर्ब ४६ करोड ११ लाख रुपैयाँ कायम जूगु दु सा जगेडा कोषय् ४ अर्ब ६२ करोड ६६ लाख रुपैयाँ कायम जूगु दु ।

Categorized in राष्ट्रिय