२०८० चैत्र १६, शुक्रबार

राष्ट्रपति विद्यादेवी भण्डारीपाखे ल्होसारया लसताय्

लहनान्युज | सिल्लाथ्व पारु ११४३, माघ ८ आईतवाः

भिंतुना राष्ट्रपति विद्यादेवी भण्डारीं बहुजातीय, बहुभाषिक, बहुसांस्कृतिक विविधतायुक्त नेपाःया समाजय् सोनाम ल्होसार थेजाःगु नखःपाखे नेपाःमि दथुइ सद्भाव, सहिष्णुता व बन्धुत्वया भावना थहावनिइ धका धयादीगु दु।

सोनाम ल्होसारया लसताय् भिंतुना सन्देश बियादीसे वयकलं सोनाम ल्होसार नखः न सकल नेपाःमि दथुइ छप्प जुया आर्थिक व सामाजिक रूपं समृद्ध देय् निर्माण यायेत न्ह्यानेगु सकसित ऊर्जा प्रदान याये फयेमाः धका भिंतुना बियादीगु दु।

राष्ट्रपतिं थज्यागु नखः न बृहत् राष्ट्रिय एकतायात थप सुदृढ यायेत ग्वाहालि जुइ धका उल्लेख यानादीगु दु। तामाङ समुदायया नखः सोनाम ल्होसारया लसताय् स्वदेश व विदेशये च्वनाच्वपि सकल तता केँह व दाजु किजापिनिगु सुख, शान्ति, भिंउसाँय् व समृद्धिका लागि भिंतुना बियादीगु खः।

सोनाम ल्होसार नखः तामाङ समुदाय न न्हुगु दँ कथं माघ शुक्ल पारु कुन्हु हना वयाच्वंगु खः। थुगु नखः तामाङ समुदायपिन्स कुल पूजा, प्रकृति पूजा व बुद्धया सन्देश लुमका थःथःति नापलायेगु याइ।

Categorized in राष्ट्रिय