'सुनौलो प्रकाश कन्सल्टेन्सी'या सञ्चालक लामायात ज्वन
ने.सं. ११३८ चिल्लागा षष्ठी (७ फेब्रुअरी २०१८)
देशं पिने ज्या याःवनेगु नितिं यूरोप छ्वयाबी धकाः ठगी याःगु द्वपनय् छम्हेसित येँपाखें ज्वंगु दु ।
मकवानपुर भीमफेदी छेँ जुयाः थौंकन्हय् येँया सामाखुसीइ सुनौलो प्रकाश कन्सल्टेन्सीया सञ्चालक आर्यन लामायात महानगरीय अपराध महाशाखाया पुचलं ज्वंगु खः । लामां स्पेन व पोर्चुगलय् लजगाःया नितिं छ्वयाबी धकाः थीथी मनूतपाखें ३३गू लख तका धेबा ठगी याःगु उजुरीया लिधंसाय् वय्कःयात ज्वंगु महाशाखाया एसपी नरेन्द्रप्रसाद उप्रेतीं जानकारी बियादिल ।
लामां यूरोप मछ्वयेवं पीडित हिराकाजी बस्नेतं धेबा लित बीत माग याःगु इलय् ‘बाउन्स चेक’ बियाः ठगी याःगु खः ।
अनुसन्धानया झ्वलय् लामां मोहन प्रधान व कारसाङ तामाङ्गयात कतार एअरवेजय् ज्याया नितिं तयाबी धकाः ३गू लख ५०द्वः तका ठगी याःगु नं सीदुगु दु ।
लामायात माःकथंया कारवाहीया नितिं महानगरीय प्रहरी परिसर टेकुइ छ्र्वःगु नं एसपी उप्रेतिं जानकारी बियादिल ।
नापं परिसरं लामायात ठगी मुद्दा दर्ता यासें कारवाही नं न्ह्याकूगु दु ।
परिसरले उनलाई ठगी मुद्दा दर्ता गरी कारबाही अघि बढाएको छ ।
Categorized in अपराध
