कप्तान ह्यारी केनया कीर्तिमानी गोलं इंग्लिस प्रिमियर लिगय् टोटेनहमं फुलह्यामयात पराजित याःगु दु ।

क्रेभेन कटेजय् जुगु कासाय् टोटेनह्यामं फुलह्यामयात १–० गोल अन्तरं बूकुगु खः। थुगु कासालिपा टोटेनहमं च्याम्पियन्स लिगय् छनोट जुइगु सम्भावना अप्पोया वःगु दु।

टोटेनहमया लागि केनं निर्धारित ईया लिपागु मिनेटय् बक्सस्वया पिने उत्कृष्ट गोल याःगु खः। सन हिउङ मिनया ग्वाहालि उगु गोल याःगु खः।

केनं टोटेनहमपाखे २ सय ६६ गु गोल याःगु खः। सन् १९६१ निसे १९७० तक जिम्मी ग्रिभ्सं थुगु कीर्तिमान तःगु खः। ५३ दँ लिपा बराबरी यायेत क्लबं ताःलागु खः।

Categorized in कासा