बागमती प्रदेशय् ११ गु मन्त्रालय जुइगु

लहनान्युज | सिल्लाथ्व तृतीया ११४३, माघ १० मंगलवाः

बागमती प्रदेशय् ११ गु मन्त्रालय कायम याइगु जुगु दु।

मन्त्रालयया ल्याः घटे यायेगु धका प्रमुख सचिव मुकुन्दप्रसाद निरौलाया संयोजकत्वय् गठन याःगु कार्यदलया प्रतिवेदन लःल्हासे मुख्यमन्त्री शालिकराम जम्कट्टेलं आः दुगु १४ गु मन्त्रालयया ल्याः घटे याना ११ गु दयकिइगु जुगु दु। वयकलं थःगु मन्त्रिपरिषदय् राज्यमन्त्री मतयेगु धका धाःगु दु।

मुख्यमन्त्री जम्कट्टेलं आः याकन हे मन्त्रिपरिषद् विस्तार जुइ धका न धाःग दु। वयकलं धाःगु दु, ‘जिमिसं थ्व हे प्रतिवेदन पियाच्वनागु दुं। आः याकने हे मन्त्रिपरिषदं पूर्णता काइ।’ मुख्यमन्त्री जम्कट्टेलं पुस २६ गते पदभार ग्रहण यासे प्रमुख सचिव निरौलाया संयोजकत्वय् झीन्यान्हुया दुने प्रदेशय् मन्त्रालया अध्ययन याना ल्याः निर्धारण याना प्रतिवेदन लःल्हायेत निर्देशन बिःगु खः।

उगु कार्यदलं थौं दकलय् लिपागु दिं प्रतिवेदन लःल्हाःगु खः। सुरुइ डोरमणी पौडेल मुख्यमन्त्री जुगु इलय् बागमतीइ न्ह्यःगु मन्त्रालय दयकूगु खः।

अष्टलक्ष्मी शाक्य मुख्यमन्त्री जुगु इलय् छगु थपे याना च्याःगु मन्त्रालय दयकूगु खः । अथेहे मुख्यमन्त्री राजेन्द्रप्रसाद पाण्डें गठबन्धनय् भागबण्डा मिले यायेत मन्त्रालय च्याःगु न थकया १४ गु थ्यकूगु खः मुख्यमन्त्री पाण्डें प्यम्ह राज्यमन्त्री थपे याना १८ थ्यकूगु खः।

बागमतीइ छु–छु मन्त्रालय दु

१) मुख्यमन्त्री तथा मन्त्रिपरिषद्को कार्यालय

२) आन्तरिक मामिला तथा कानून मन्त्रालय

३) आर्थिक मामिला तथा योजना मन्त्रालय

४) भौतिक पूर्वाधार विकास मन्त्रालय

५) ऊर्जा, जलस्रोत तथा सिंचाई मन्त्रालय

६) श्रम, रोजगार तथा यातायात मन्त्रालय

७) वन तथा वातावरण मन्त्रालय

८) कृषि तथा पशुपन्छी विकास मन्त्रालय

९) सामाजिक विकास मन्त्रालय

१०) पर्यटन, उद्योग तथा सहकारी मन्त्रालय

११) स्वास्थ्य मन्त्रालय