२०७९ माघ २०, शुक्रबार

वाग्मती प्रदेशय् मन्त्रिपरिषद् विस्तार यायेगु तयारी

लहनान्युज | सिल्लाथ्व चौंथी ११४३, माघ ११ बुधवाः

वाग्मती प्रदेशय् थौं मन्त्रिपरिषद् विस्तार यायेगु तयारी याःगु दु। ११ मन्त्रालय कायम याना थौं मन्त्रिपरिषद् विस्तारया तयारी यायेत्यःगु खः।

म्हिगः बहनि च्वंगु मन्त्रिपरिषदया बैठकं आः कायम जूगु १४ गु मन्त्रालययात क्वपालां ११ गु मन्त्रालय दयकेगु निर्णय याःगु खः।

प्रदेशया प्रमुख सचिव मुकुन्दप्रसाद निरौलाया संयोजकत्वय् गठन याःगु न्याम्ह सदस्यीय कार्यदलं मन्त्रालय घटे यायेगु सुझावनाप मुख्यमन्त्री शालिकराम जम्कट्टेलयात प्रतिवेदन लःल्हाःगु खः।

उगु प्रतिवेदनय् वाग्मती प्रदेशय् १४ मन्त्रालययात घटे याना ११ मन्त्रालय दयकेगु उपयुक्त जुएगु सुझाव बिःगु खः।

थौं बहनि दुने मन्त्रिपरिषद् विस्तार यायेगु तयारी यायेत्यःगु दु। मुख्यमन्त्री जम्कट्टेलया अध्यक्षताय् थ्व हे पुस २६ गते स्वम्हेसिगु मन्त्रिपरिषद् गठन याःगु खः।

Categorized in राष्ट्रिय