२०७९ माघ २०, शुक्रबार

संसद न्ह्यने आत्मदाहायाम्ह थौं मन्त

लहनान्युज | सिल्लाथ्व चौंथी ११४३, माघ ११ बुधवाः

संघीय संसद् भवन न्ह्यने म्हिगः मंगलबाः न्हिनय् थःत थःम्हेसिया च्याका आत्महत्या यायेगु कुतःयाम्ह प्रेमप्रसाद आचार्य थौं मन्त।

किपूया बर्न अस्पतालय् उपचारया झ्वलय् आचार्य थौं सुथय् मदुगु खः। इलामया सूर्योदय नगरपालिका च्वम्ह ३७ दँ दुम्ह आचार्य  मंगलबाः संसद भवन न्ह्यने थःगु म्हय् पेट्रोल तया आत्मदाहया कुतः याःगु खः।

आचार्ययात प्रहरीं उद्धार याना अस्पतालय् यकूगु खः। वयागु ८० प्रतिशत म्ह च्याःगु खः।

Categorized in राष्ट्रिय