२०७९ माघ २०, शुक्रबार

सेयर बजाः १०.३७ अंकं थहावन

रसिया श्रेष्ठ | सिल्लाथ्व चौंथी ११४३, माघ ११ बुधवाः

सेयर बजाः थौं न थहावःगु दु। थौं बुधबाः १०.३७ अंकं थहावना २१८३.६२ विन्दइ थ्यःगु दु।

म्हिगः मंगलबा स्वया थौं बुधबाः कारोबार रकम न थहावःगु दु। २६१ धितोपत्रया ५४ हजार ३७७ गु कारोबारपाखे ९५ लाख ३२ हजार ८६७ कित्ता सेयर किनबेच जूगु दु।

३ अर्ब ४६ करोड ६५ लाख ८ हजार ३३८ रुपैयाँ बराबरया कारोबार जूगु खः। बैंकिङ, वित्त व मेमेगु उपसूचकबाहेक मेगु दक्को उपसूचक थहावःगु दु।

थौं दकलय् अप्पो होटेल व पर्यटन उपसूचकया लगानीकर्तापिन्स कमे याःगु दु। ग्रीनलाइफ हाइड्रोपावर, आदर्श लघुवित्त, सानिमा जीआइसी इन्स्योरेन्स, सूर्यज्योती लाइफ इन्स्योरेन्स व वलेफी हाइड्रोपावर सकारात्मक सर्किट लेवलय् कारोबार जुगु दु।

आरबीबी म्यूचअल फण्ड दकलय् अीप्पो ५.७० प्रतिशतं कुहावःगु दु। अथेहे जानकी फाइनान्स, पिपुल्स हाइड्रो, सेन्ट्रल फाइनान्सया भाः थौं यक्को कुहावःगु दु।

नेशनल हाइड्रो, हिमाल दोलखा हाइड्रो, ग्रीनलाइफ हाइड्रो, अपर तामाकोशी कम्पनीपिन्स थौं यक्को कारोबार जूगु दु।

Categorized in राष्ट्रिय