नेकपा माओवादी केन्द्रया स्थायी कमिटी बैठक थौं न्हिनय् २ बजे च्वनिइगु जुगु दु।

थौं सुथय् ११ बजे च्वनिइगु धाःगु उगु बैठक ३ घण्टा लिपा लिछाउगु खः। पार्टी केन्द्रीय कार्यालय पेरिसडाँडाय् च्वनिइगु उगु बैठकय् पार्टी एकता व समसामयिक विषय छलफल यायेत्यःगु खः।

माओवादी केन्द्रया छम्ह नेता धाःगु कथं सरकारं यायेमाःगु ज्या व नेपाल समाजवादी पार्टी (नेसपा) लगायत खँय् बैठकया एजेण्डा दु धका धाःगु दु।

थ्व स्वया न्ह्यः माओवादी केन्द्रं नेसपा, एकीकृत समाजवादी लगायत दलनाप पार्टी एकताया कुतः जुयाच्वंगुलि उपाध्यक्ष कृष्णबहादुर महराया नेतृत्वय् वार्ता समिति गठन याःगु खः।

Categorized in राजनीति