येँ महानगरपालिकाय् न्हुपि नगर प्रहरीपिन्त स्वलानिसे तलब काये मखुगु धका धाःगु दु।

प्रदेश निजामती कानुन दयकेमखुगु कारण नगर प्रहरी भर्ना याये मफुगुलि महानगरं दच्छिनिति १६२ म्ह नगर प्रहरी तयेगु कथं युनिक सेक्युरिटी कम्पनीनाप ४ करोड ३२ लाख ४० हजारय् सम्झौता याःगु खः।

कम्पनीपाखे १३० म्ह नगर प्रहरीपिन्स ज्या यानाच्वंगु दु। कम्पनीं छ्वपि ३५ म्ह स्वया अप्पोसित महानगरं अयोग्य धका लितछ्वया हःगु खः। नगर प्रहरीइ ज्या यानाच्वपिन्स न तलव व पोशाक काये खगु मदुनि । सम्झौता कथं कम्पनीं लच्छिया २० हजार ५३२ बिइमाः। अथेहे पोशाक, चुस्ता, सिटी कड, रेनकोट, गमबुट, टर्च लाइट, ज्याकेट दक्को महानगरं उपलब्ध यायेमाः।

उमित न कम्पनी. तलब बिगु दु, न महानगरं पोशाक बिःगु दु । छम्ह नगर प्रहरीया कथं पोशाक, चुस्ता, बुट बिइ धका भर्ना याउगु खःसा आःतक बिःगु मदुनि। अय् जुया नगर प्रहरीया नामय् छपु गाः जक दु। येँ महानगरपालिका च्वयातःगु फ्लोरोसेन्ट ज्याकेट फिना ड्युटी याना च्वंगु दु।

Categorized in राष्ट्रिय