नेकपा एमालेया अध्यक्ष केपी शर्मा ओलीया नामय् राष्ट्रिय स्तरया गोल्डकप फुटबल कासा त्याःपिन्त १० लाख नगद पुरस्कार बिइगु जूगु दु ।

केपी ओली कप फुटबल कासा एमालेया भातृ संगठन युवा संघ नेपालं याइगु धका थौं शुक्रबाः पत्रकार सम्मेलनयासे जानकारी बिःगु दु।

कासा थ्व हे वइगु फागुन ११ निसे १७ गतेतक येँ जुइगु घोषणा याःगु दु। ग्वसाः खलःया कथं कासा विजेता १० लाख व उपविजेता टोलीयात ५ लाख नगद बिइगु जुगु दु। अथेहे कासाय् सर्वोत्कृष्ट कासापियात १ लाख नाप उत्कृष्ट गोलरक्षक, उत्कृष्ट गोलकर्ता व उदीयमान कासामियात म्हतिइ ५० हजार नगद लःल्हाइगु जुगु दु।

हरेक कासाया विजेता टोलीयात २५ हजार व हरेक कासाय् म्यान अफ द म्याचयात १५ हजार नगद पुरस्कार बिइगु जुगु दु। कासाय् ब्बतिइ कायेगु निति माघ १७ गते दुने टिम दर्ता यायेमाः धका संघं जानकारी बिःगु दु।

Categorized in कासा