चैत्र १७ गतेनिसे एसईई शुरु
रसिया श्रेष्ठ | सिल्लाथ्व सप्तमी ११४३, माघ १४ शनिवाः
थुगु दँया माध्यामिक शिक्षा परीक्षा (एसईई) तालिका सार्वजनिक जूगु दु।
थ्व हे माघ ११ गते च्वंगु बैठकया निर्णय कथं राष्ट्रिय परीक्षा बोर्डं परीक्षा तालिका सार्वजनिक याःगु खः।
बोर्डया कथं नियमित व ग्रेडवृद्धि परीक्षाया न्हापागु दिं अनिवार्य अंग्रेजी विषयया परीक्षा याइगु जुगु दु।
अंग्रेजी विषयया परीक्षा चैत्र १७ गते शुक्रबाः सुथय् बिहान ८ निसे ११ बजे तक जुइ।
अथेहे एसईई परीक्षा चैत्रया २९ गते क्वचाइ ।
