२०८० चैत्र १५, बिहिबार

शिक्षालय नेपालपाखे भिंतुना ज्याझ्वः

लहनान्युज | सिल्लाथ्व नवमी ११४३, माघ १६ सोमवाः

शिक्षालय नेपालं नेवाः पत्रकार राष्ट्रिय दबूया न्हुगु ज्यासना पुचःयात भिंतुना देछायेगु ज्याझ्वः जुगु दु।

उगु ज्याझ्वलय् मूपाहाँ कथं बागमती प्रदेशया सांसद रामकृष्ण चित्रकारं न्हुगु ज्यासना पुचःया भिंतुना पौं लःल्हागु खःसा सार्क जनलिस्त फोरमया केन्द्रिय नायः राजु लामां स्वामां क्वखाय्कादीगु खः।

शिक्षालय नेपालया अध्यक्ष श्याम तडुण्कार, बागमती प्रदेशया सांसद चित्रकार, सार्क जनलिस्त फोरमया केन्द्रिय नायः लामा, फोरमया नेपाः च्याटरया नायः प्रकाश शिसवालपिन्स दबूया न्हुगु ज्यासना पुचःयात भिंतुना नाप कार्यकाल सुथौलाक्क न्ह्यायेमाः धका भिंतुना देछानादीगु खः।

Categorized in राष्ट्रिय