२०८० चैत्र १६, शुक्रबार

राष्ट्रपति विद्यादेवी भण्डारीं शहिदपिन्त श्रद्धाञ्जली देछात

लहनान्युज | सिल्लाथ्व नवमी ११४३, माघ १६ सोमवाः

राष्ट्रपति विद्यादेवी भण्डारीं शहीद दिवस, २०७९ या लसाताय् नागरिक स्वतन्त्रता, लोकतन्त्रया स्थापना व राष्ट्रियताया रक्षा यायेगु लागि थःगु अमूल्य जीवन उत्सर्ग यापि शहीदपि शुक्रराज शास्त्री, धर्मभक्त माथेमा, दशरथ चन्द, गङ्गालाल श्रेष्ठ लगायत सकल ज्ञात–अज्ञात शहीदपिन्त श्रद्धाञ्जली देछागु दु।

वयकलं शहीद दिवसया लसताय् थौं छगु सन्देश जारी यानादीसे शहीद दिवस देश व जनताया लागि प्राण आहुति बिइपि महान् शहीदपिन्त विशेष लुमन्ति जुइगु दिं खः धका उल्लेख यानादीगु खः।

नेपाःमिपिनिगु जनतायात स्वतन्त्र व सार्वभौमसत्ता सम्पन्न नागरिक दयकेगु इतिहासय् थीथी इलय् निरंकुश व तानाशाही शासन व्यवस्थाविरुद्ध जूगु आन्दोलनय् थःगु जीवन बलिदान याःपि वीरपिन्त हनेगु दिं कथं माघ १६ गते शहीद दिवस हना वयाच्वंगु खः। 

Categorized in राष्ट्रिय