प्रधानमन्त्री पुष्पकमल दाहाल ‘प्रचण्ड’ न शहीदपिनिगु म्हगस पूरा यायेत सकसिया ल्हाः मिलेयाना न्ह्या वनेमाः धका धयादीगु दु।

चुनौतीपूर्ण परिस्थितिइ गठन जूगु न्हगु सरकार सामाजिक न्याय, सुशासन व समृद्धिया आजुइ थ्यकेत न्ह्यावनेगु दृढ सङ्कल्पित उल्लेख यासे वयकलं शहीदपिनिगु म्हगसः पूरा यायेत इनाप याःगु दु ।

प्रधानमन्त्री दाहालं सङ्घीय लोकतान्त्रिक गणतन्त्रयात संस्थागत यायेत व न्हुगु संविधानयात कार्यान्वयनपाखे देश समृद्ध व समुन्नत दयकेत शहीदपिनिगु म्हगसः नाप योगदान न्ह्यावलय् प्रेरणादायी जुइ धका भलसा कयादीगु दु।

वयकलं धयादीगु दु, ‘तानाशाही व निरङ्कुश व्यवस्थाया विरूद्ध सङ्घर्ष यायेगु झ्वलय् तधःगु बलिदानी यानादीपि महान् शहीदपिनिगु बलिदानी वःगु दिंयात झीसं शहीद दिवसया रूपं लुमंका वयाच्वनागु खः, थौं दिं नेपाः व नेपाःमिपिनिगु आत्मसम्मान व स्वतन्त्रताया लागि थःगु जीवन बलिदान यायेत शहीदपिन्त विशेष सम्मान यायेगु दिं खः।’

Categorized in राष्ट्रिय