बागमती प्रदेश सरकारं नेवाः व तामाङ भाय् छ्यलेगु निति छगु कार्यदल नीस्वंगु दु।

बागमती प्रदेश मन्त्रिस्तरीय बैठकं कानूनमन्त्री गंगानारायण श्रेष्ठं नेपालभाषा व तामाङ भाषायात भाषा आयोगं सिफारिस याःगु कथं प्रदेश कामकाजी भाषाया रुपय् छ्यलेगु प्रस्ताव याःगु खः। उगु प्रस्तावयात कार्यान्वयन यायेगु नितिं मुख्यमन्त्री शालिकराम जम्मकटेलं कार्यदल नीस्वंगु खः ।

कार्यदलया संयोजकय् सामाजिक विकासमन्त्री कुमारी मोक्तान, अथेहे श्रम रोजगार व यातायात मन्त्री एकलाल श्रेष्ठ, पर्यटन उद्योग व सहकारी मन्त्री डम्बर बहादुर तामाङ दुजलय् च्वनादीगु दुसा कार्यदलय् नेपालभाषा व तामाङ भाषाया छम्ह छम्ह विज्ञपिं नं दुथ्याकीगु जूगु दु ।

Categorized in राष्ट्रिय