२०८१ आषाढ ३०, आइतबार

उच्चस्तरीय राजनीतिक संयन्त्रया बैठक थौं

लहनान्युज | सिल्लागा पंचमी ११४३, माघ २७ शुक्रवाः

सत्ता गठबन्धनया उच्चस्तरीय राजनीतिक संयन्त्रया बैठक थौं च्वनिइगु जुगु दु।

थौं सुथय् ९ बजे उच्चस्तरीय राजनीतिक संयन्त्रया बैठक च्वनिइगु जुगु दु धका प्रधानमन्त्री पुष्पकमल दाहाल प्रचण्डं धाःगु दु। संयन्त्रया बैठक बिहीबाः सःतूगु खः।

प्रधानमन्त्री दाहाल व संयन्त्रया संयोजक नेकपा एमालेया अध्यक्ष केपी शर्मा ओली दथुइ बिहीबाः बहनिह सिंहदरबारय् नापलाना थौं संयन्त्रया बैठक सुथय् च्वनिइगु क्वछिगु खः।

उगु बैठक क्वचाय् धुका पत्रकारपि नाप खँल्हायेगु झ्वलय् प्रधानमन्त्री प्रचण्डं संयन्त्र बैठक थौं शुक्रबाः च्वनिइगु धका धाःगु खः।

रवि लामिछाने नेतृत्वय् च्वंगु राष्ट्रिय स्वतन्त्र पार्टी न सरकारय् थःपिनिगु मन्त्रीपि लितः सःतूगु, सुदूरपश्चिमय् सत्ता गठबन्धन समर्थनय् नेकपा एमाले नेतृत्वया सरकार क्वदःया ह्यूपाः वःगु राजनीतिक परिस्थितिया दथुइ उच्चस्तरीय राजनीतिक संयन्त्र बैठक सःतुगु खः।

अथेहे राष्ट्रपति निर्वाचनया सन्दर्भय् थौं न सहलह जुइफुगु धका न धाःगु दु। फागुन २५ गतेया लागि राष्ट्रपति निर्वाचन तिथि क्वःछिइ धुकुगु दु।

Categorized in राजनीति