सरकारं थौं देयन्यक सार्वजनिक बिदा बिःगु दु। मन्त्रिपरिषदया म्हिगः च्वंगु बैठकं थौं देयन्यक बिदा बिइगु निर्णय याःगु दु धका गृह मन्त्रालयं धाःगु दु।

नेकपा (माओवादी केन्द्र) नेतृत्वया सरकारं फागुन १ गतेयात ‘जनयुद्ध दिवस’ धका बिदा बिःगु खः। माओवादीें ०५२ फागुन १ गते सरकारविरुद्ध सशस्त्र द्वन्द्व सुरु याःगु खः।

द्वन्द्वया झ्वलय् माओवादी, सर्वसाधारण नागरिक, प्रहरी, सेना याना १७ हजार स्वया अप्पो मनू सीगू खः।

उगु दिंयात लुमका फागुन १ कुन्हु माओवादी नेता–कार्यकर्तां ‘जनयुद्ध दिवस’या रूपं हना वयाच्वंगु खः ।

Categorized in राष्ट्रिय