नेपाल सरकारं कोरोनाविरुद्धया बुस्टर डोज याःगु फाइजर हःगु दु।

कोभ्याक्स सुविधापाखे हःगु १५ लाख डोजमध्ये न्हापागु चरण थौं सुथय् ३ लाख ४५ हजार डोज खोप येँ हःगु दु।

ल्यः दनिइगु खोप फागुन ४, ८, ११ व १५ गते ३ लाख ४५ हजार लिपागु इलय् हइगु धका स्वास्थ्य सेवा विभागया आपूर्ति व्यवस्थापन शाखा प्रमुख सुरेन्द्र चौरासियां धाःगु दु।

आः हयेत्यःगु खोप १२ दँ स्वया च्वयेच्वपि निगु डोज पूरा याये धुकुपि नागरिकपिन्त बिइगु सरकारं तयारी यगु दु। उगु खोप ‘वाइभ्यालेन्ट’ न ओमिक्रोन व उकिया सब भेरियन्टहरुविरुद्ध न ज्या याइ धका धाःगु दु।

आः टेकइ च्वंगु केन्द्रीय कोल्डचेनय् तया तःगु दु सा उगु खोप छु ईलिपा दक्को प्रदेशय् छ्वयेगु योजना दु धका विभागं धाःगु दु।

Categorized in राष्ट्रिय