मनासलु स्कूलय् अभिभावक दिवस
लहनान्युज | सिल्लागा नवमी ११४३, फागुन २ मंगलवाः
येँया नयाँबजारय् च्वंगु मनास्लु पब्लिक माध्यामिक विद्यालय २२ क्वःगु दँमुज्या व अभिभावक दिवस क्वचाःगु दु।
विद्यालय व्यवस्थापन समितिया अध्यक्ष डा.सवनम भट्टया सभाध्यक्षताय् जुग उगु ज्याझ्वलय् मूपाहाँ कथं नेपाल सरकारया पूर्व सचिव नाप भाषा आयोगया पूर्व अध्यक्ष डा. लवदेव अवस्थी झायादीगु खः।मूपाहाँ डा. अवस्थीं विद्यालय शिक्षाया स्तर उन्नतिइ मनास्लु पब्लिक मा.विं उल्लेखनीय भूमिका म्हितूगु व वइगु दिं न विद्यालय थौंया ई कथं ज्ञान व सीपमूलक शिक्षाप्रदान याइगु काइगु धका भलसा कयादीगु दु खः।
विद्यालयया प्राचार्य सुचिता शाक्यं विद्यार्थी व अभिभावकपिनिगु कारणं हे मनासलु स्कुल दु धइगु बिचाः तयादीसे, शिक्षक, विद्यार्थी, अभिभावक व कर्मचारी सकसिगु सहअस्तित्व व सहकार्यय जक सकसिगु हीत जुइ बिचाः तयादीगु खः।मनासलु एजुकेशनल इन्ष्टिच्यूट प्रा.लि या अध्यक्ष हरिप्रसाद भट्ट, शिक्षक अभिभावक संघया अध्यक्ष विष्णु काप्रीपिन्स न विद्यालय व अभिभावकपि दथुइगु अन्तरसम्बन्धया महत्व दुगु धका बिचाः तयादीगु खः।
विद्याथीपिन्स विविध साँस्कृतिक नाप मनोरञ्जनात्मक ज्याझ्वः न्ह्यब्बःगु खः। अथेहे राष्ट्रिय लोक दोहोरी गायक सञ्जय गुरूङ, श्रीदेवी देवकोटा, सुष्मा लामा, केसी माया रामदामपिन्स न विशेष साँङ्गीतिक न्ह्यब्बःगु खः।
Categorized in राष्ट्रिय